Австралия

23/02/2015
Одтинок не абы-якій, бо награний аж в Австралиі. Послухаме бесіды з п. Ґєньом Стависком, котра жыє в Сиднею уж понад 50 років, а родом єст з Климківкы. Долов обізрити мож пару знимок з делеґациі, котра полна была зачудувань, успіхів і цікавих подій. І ту повело ся найти Руснаків, котры дашто вказали і пооповідали.
Австралия то держава і найменший континент, котрий был і єст єдным з найдальшых дестинаций Русинів і інчых соспільности, котры глядают нового для себе місця. Молода держава, котра побудувана головні на європейскій і азиятицкій еміґрациі. Австралийскы автохтоны – Абориґены, на жаль, такой доцяп ся засимілювали, затратили свій язык і достоменніст. Єдном з іх характеристычных прикмет єст особливий музычний інструмент, котрий зове ся джідуріду. В часі бесіды запрашаме до послуханя співанок ансамблю Анкаля, котрий реконструує і аранжує традицийну абориґеньску музыку з основом джідуріду.