Вечер лемківской поезиі – ретрансмісия зо стрічы з Петром Мурянком

24/10/2018
Просиме на ретрансмісию літературной стрічы з Петром Мурянком, найактивнійшым сучасным лемківскым творцьом, поетом, прозаіком, редактором, Учытельом.
На запрошыня ЛАПіТ «Кычера» П. Мурянка приіхал на чужыну і взял участ в одкрытю, тырваючой од 22.-27. жолтня/октобра 2018 р., ювілейной подіі колективу, пн. «Кычерияда над Качавом». Понедількова стріча проходила в просторах Ліґницкого Центру Культуры. Присутну публику привитал ведучий ансамблю, Юрий Стариньскій.
Стріча буде хронолоґічном прогульком по творах і выданях Мурянкы, як тіж прогульком по розмаітых сферах творчости артисты. Почуєте не лем поезию, але тіж прозу, есеістику та музыку і спів.
Акомпаніювал поеті Данько Стариньскій. Модератором был Севериян Косовскій.